عيدك بعد يومين يا امي
شو بجبلك بهالعيد مِنْهَمّه
بِشلح على كتافك حلم آذار
وبِجمع من زهور العمر ضَمِّه
بقطفلك اللهفه من التذكار
كلما خْيال بفكرك تضُمّي
ودعسة طفالا سارحه بالدار
بعيونك الدعسات بتلمّي
ودمعات تحرق خدّك الختيار
لمّن زرار الورد بتشمي
يا حامله بقلبك وجع جبّار
همّك عتيق وحاملي همّي
يا ريتنا منرجع طفالا زغار
وهديّتك بالعيد يمّي تكون
حولك زغار البيت ملتمّه
Haifa Andari Zaidan
شقي الفجر وبعيدك ابتسمي
وضوي العتم من نور هالبسمي
ولا تزعلي بتيبسي الأزهار
وبتجوعي النحلات والنسمي
ليكي الربيع مروج خضرا صار
لوحة حلا بآذار منرسمي
من دون عيدك يا حلا الأنظار
روح النضارة من الزهر بتروح
واللون بيسافر من الرسمي
Fadi Fayad
فاح الورد زينلي نشيدي
وفاق النهر لحنلي القصيدة
نسيم الصيف لبسها عباية
فراش ونحل زفوها سعيدة
بعيد الأم جايي ومبتغايي
يحكي الدم من دفتر وريدي
حرمت الريش يشرب من دواية
غفيت الفكر عمخدة نهيدي
سجنت الشعر بالعقل بنواية
وهجرت الدف عمنابر شريدي
كتمت الأوف عن صوتي ومدايي
ورهنت الكل بالليلة المجيدة
وبدل هالبيت نبنيلك بناية
وع الله تكون جمعتنا مفيدة
أكيدة هالصدى ناقص كفاية
تيوفي الحق لصحابو أكيدة
بعيد الأم تا حقق منايي
ولها قدم هدية مش جديدة
مسكت القلب وحمتلو بعناية
تإطبع رسم إمي فوق قلبي
وعيش وزيد إيامي المديدة
Ayman Houjairy
ينعاد على جميع الأمهات وأمهاتن كمان ... بالخير والصحة
شو بجبلك بهالعيد مِنْهَمّه
بِشلح على كتافك حلم آذار
وبِجمع من زهور العمر ضَمِّه
بقطفلك اللهفه من التذكار
كلما خْيال بفكرك تضُمّي
ودعسة طفالا سارحه بالدار
بعيونك الدعسات بتلمّي
ودمعات تحرق خدّك الختيار
لمّن زرار الورد بتشمي
يا حامله بقلبك وجع جبّار
همّك عتيق وحاملي همّي
يا ريتنا منرجع طفالا زغار
وهديّتك بالعيد يمّي تكون
حولك زغار البيت ملتمّه
Haifa Andari Zaidan
شقي الفجر وبعيدك ابتسمي
وضوي العتم من نور هالبسمي
ولا تزعلي بتيبسي الأزهار
وبتجوعي النحلات والنسمي
ليكي الربيع مروج خضرا صار
لوحة حلا بآذار منرسمي
من دون عيدك يا حلا الأنظار
روح النضارة من الزهر بتروح
واللون بيسافر من الرسمي
Fadi Fayad
فاح الورد زينلي نشيدي
وفاق النهر لحنلي القصيدة
نسيم الصيف لبسها عباية
فراش ونحل زفوها سعيدة
بعيد الأم جايي ومبتغايي
يحكي الدم من دفتر وريدي
حرمت الريش يشرب من دواية
غفيت الفكر عمخدة نهيدي
سجنت الشعر بالعقل بنواية
وهجرت الدف عمنابر شريدي
كتمت الأوف عن صوتي ومدايي
ورهنت الكل بالليلة المجيدة
وبدل هالبيت نبنيلك بناية
وع الله تكون جمعتنا مفيدة
أكيدة هالصدى ناقص كفاية
تيوفي الحق لصحابو أكيدة
بعيد الأم تا حقق منايي
ولها قدم هدية مش جديدة
مسكت القلب وحمتلو بعناية
تإطبع رسم إمي فوق قلبي
وعيش وزيد إيامي المديدة
Ayman Houjairy
ينعاد على جميع الأمهات وأمهاتن كمان ... بالخير والصحة
