كرسي الاعتراف " دمــــــوع يعقـــــــــوب "

السلام عليكم ورحمة الله وبركاته ..
أحيكم أخوتي الاعزاء.. بتحية ملؤها المحبة والأخوة التي جمعتنا
وستضل تجمعنا على مدى العمر بإذنه تعالى ..
سوف نحلق مع ضيف هذا الاسبوع ..
حيث يكتمل جمال الكلمة وعذوبة الحروف....
المشرف المميز( دموع يعقوب ) .. له صولات وجولات في أقسام المنتدى ..
يلفت الأنظار .. لن أبالغ بوصفه ليس لانه ابن عمي.. فكم أتحفنا بأشعاره الرائعة وابداعه في الردودالتي رقصت على أنغامه قلوب العاشقين ..
فتميز حبي بوجوده المبدع..وتألقت به ..
فكان بمثابة الشموع التي أنارت لي طريق الابداع ..
وها هي الفرصة قد حانت للكشف عن الجانب الذي لا نعرفه عن ضيفنا المبدع
دموع يعقوب
فأهلا بك أخي على كرسي الإعتراف ..
شاكرين قبولك الدعوة ..
متمنين لك المتعة والراحة بتواجدك معنا ..
وإليكم يا أعزائي .. حرية طرح اسئلتكم على ضيفنا
مع مراجعة قوانين كرسي الإعتراف ..

تقديري واحترامي للجميع ...

7abebe ya ibn 3ame bas 3asho 3am tshkor koboole ?? miiin allak ine ablen aslan :P 3akl 7al yalla sho badna na3mil ma 3ina 7al tene ahla w sahla fekon w nshalah nkon 3ind 7osn l zann w shokran ilak 3ala hal ter7eeb

آحم آحم كيفك أبن عمي إنشالله تكون مرتيح
1- بيت شعر تردده إذا كنت حزين ؟
‏2- من هو تؤم روحك ؟
3- من اكثر انسان تثق فيه بحياتك؟
4- متى تقول الآه من كل قلبك ؟
5- هل أنت مدخن ؟ ما تخاف ملحم مش هون ....
6- ماسبب اختيارك لاسمك "دموع يعقوب"
تحياتي
ولي عودة

سلام عليكم
مرحبا اخ دموع يعقوب ع الكرسي
رغم انك ما سالتني بس عندي سؤال
ليش اخترت اسم دموع يعقوب
شو سبب بكاءك

آحم آحم كيفك أبن عمي إنشالله تكون مرتيح
_الحمد لله بألف خير :P:P:P:P
1- بيت شعر تردده إذا كنت حزين ؟
بصراحة ما في شي محدد,بيخطر عبالي كتير بهيك وضع,بس أكتر شي بعملو إنو بحمل قلمي و بكتب إحساسي,يعني فيك تقول بشكي للورقة..
‏2- من هو تؤم روحك ؟
الحمد لله بعدو عايش ما رح قول عنو أحسن ما يركب ع ضهري
3- من اكثر انسان تثق فيه بحياتك؟
توأم روحي
4- متى تقول الآه من كل قلبك ؟
كنت قولا كل ما آكل أتلي :P:P
5- هل أنت مدخن ؟ ما تخاف ملحم مش هون ....
هيدا مش من ضمن شروط الكرسي و بتذكر إنّك إنت لكنت عم تنبّه بالأول
6- ماسبب اختيارك لاسمك "دموع يعقوب"
و عليكم السلام أختي سارة
جوابي لحيدر و لسارة , بصراحة أنا بحب كتير إسم دموع ك إسم ل بنت مثلا,و إذا كنّا نحنا الشباب (البعض) نرى بأن البكاء عيب أو شيئ لا يتناسب مع كلمة رجل !! إلا أنّي لا أنفي تعلّقي بهذه الكلمة ك كلمة و كمضمون,أجد في دموعي و أوراقي ما يواسيني,فإذا ما اجتمعت قطراتٌ منها مع بعض حبري على ورقة بيضاء فيها بعض الحروف المتألّمة أشعر بتحّسن !

السلام عليكم
هيدا أسعد أسبوع بحياتي لان إذا سألتك ما حتجاوبني (ما خصّك)

1-من مثلك الاعلى في الحياة؟
2-هل ندمت على شيء يوما"؟
3-ما هو آخر موقف أبكى دموع يعقوب؟
4-ما هو حيوانك المفضل؟
5-ما هي ألقابك بين أصدقائك؟
6-ما هو حلمك بالحياة؟
7-جبت دواء سعلة أو بعد؟
8-ما هي صفاتك السلبية؟

أكتفي بهذه الاسئلة الترحيبيّة ولي عودة أكيدة

و عليكم السلام و رحمة الله و بركاته
1-من مثلك الاعلى في الحياة؟
رسول الله (ص) و العترة,و من الحديثي العهود روح الله الخميني (قده)
2-هل ندمت على شيء يوما"؟
كلا,فأنا أرى أن من الغباء الندم على شيء قضى و لكن إذا ما شعرت بأن شيئا فاتني أبدأ من لحظتي بمحاولة السيطرة و التدبير الحسن..
3-ما هو آخر موقف أبكى دموع يعقوب؟
أذكر أني في آخر موقفٍ مبلول,ذرفت دمعة شوق لا دمعة حزن و لم يكن الموقف هو الذي أبكاني فقد أردت ذلك من داخلي في تلك اللحظة ..
4-ما هو حيوانك المفضل؟
الخيل و السناجب
5-ما هي ألقابك بين أصدقائك؟
دموع و كوغا
6-ما هو حلمك بالحياة؟
أن أملك نفسي فأكون حرّا.
7-جبت دواء سعلة أو بعد؟
لا والله بعد,أنا مش صحبة مع الدكاترة و الأدوية,يعني إذا مش جلطة أو سرطان ما بفوت عند دكتور
8-ما هي صفاتك السلبية؟
شو بدي عد لعد.. عصبي,عنيد,مزاجي,"طيب",أقول و أقول و لا أعمل بكل ما أقول ...
أهلا و سهلا
و الحمد لله..

تحيّة للملوك السابقين الأخ إيهاب وعاشقة علي والأخت سارة بس بتسائب كل ما إجي بدّي إسأل بيقعّد الأخ خادم علي ملك جديد!!
السلام عليكم أخ دموع وأهلاً علكرسي
1-من وحي الإسم(عنجد معبّر) ما مقدار الصبر من شخصيتك؟
2-أي طريقة يستخدم دموع يعقوب للأمر بالمعروف بحياته؟
3-شو عندك رقم واحد معنوياً,,ماديّاً؟؟
4-لمين بتقول "أتعبتني"؟
5-إذ الحبر لديك ترتيل إحساس.....كيفك إنت والفوتبول ؟؟

مشكووور أخي العزيز على صراحتك,كالعادة زمّطت حالك على فكرة كنت عارفة الاجوبة مسبقا" بس إلت يللا بسأل

و عليكم السلام و رحمة الله و بركاته
أهلا و سهلا بك أختي الكريمة,سأجاوب على أسئلتك و لكني لست بملك.
1-من وحي الإسم(عنجد معبّر) ما مقدار الصبر من شخصيتك؟
أعتقد بأني أملك من الصبر مقدارا كافيا يؤهلني لأن يقال عني بأني صبور,ففي الأمور التي تحتمل الصبر أجد نفسي قادرا,و لكن ربما في أمور أخرى أجد نفسي ضعيفا سريع الإنفعال و لكن أعتقد أنها بحد ذاتها تكون فعلا لا تحتمل الصبر ..
2-أي طريقة يستخدم دموع يعقوب للأمر بالمعروف بحياته؟
أنا لا أحب الكلام كثيرا,و إنّي ممن يؤثرون الصمت,فإذا ما صحت تسميتها فهي عبر الوجدان,التواصل عبر المشاعر.. فأنا أرى فيها أسمى طريقة..فكما الصغار مثلا يرتدعون عن شئ ما بمجرّد أن ينظر أحد والديهما بنظرةٍ تعني "لا",يفهمون منها مقصده فيرتدعون,أو بنظرة أخرى من نفس العينين تعني "نعم" فيخضعون.لم أقصد فقط لغة العينين بل أكثر.و أنا أعتمد شيئا مماثلا في الشيئ الذي تفضلت بالحديث عنه .. و إن ببعض الأمور المبتكرة الخاصة بي .
3-شو عندك رقم واحد معنوياً,,ماديّاً؟؟
ممم يا ريت توضحي سؤالك أكثر
4-لمين بتقول "أتعبتني"؟
لقلبي
5-إذ الحبر لديك ترتيل إحساس.....كيفك إنت والفوتبول ؟
ههههه الحمد لله تمام,أنا من المتعلقين بهذه الرياضة,إن كان في المشاهدة أو الممارسة و الحمد لله مقتنع بأدائي
شكرا لك و أهلا و سهلا فيكي
والحمد لله رب العالمين

السلام عليكم أخي دموع ورحمة الله وبركاته
أما بعد....جيتك يا دموع "دموع البريئة"
ارجو منك حبيبي تكون أكثر صراحة وإلا بفضح سمااااك
1- "تفضل بذكر بطاقتك الشخصية"
الاسم:
العمر:
الحالة الاجتماعية:
السكن:
مستواك الدراسي:
هواياتك:
كل مايخص شخصيتك:
2- شو نوع المحارم يلي بتمسح فيها دموعك... معقمة ولا لئ
3- أهدافك ...
4- اشخاص اثرو فيك ..
5- مين الشخص يلي تعتبره مؤثر وأسباب تأثيره ...
6- شو معنى الصديق في بنظرك ...
7- شو السبب يلي بيخليك تزعل منه ...
8- في فرق بين صديق المنتدى والصديق خارج المنتدى ...
9- ماذا اعطيتك الحياة وماذا اخذت منها ...
10- ماهو الحلم الذي حلمته وتمنيت ان يتحقق ..
11- اخر وردة فى الوجود لمين بتعطيها ...
12- ماهي الفرصة او اللحظة التي تجد بأنها لا تتعوض ابداً ...
13- هل مررت بموقف ازعجك من احد الاعضاء ...
14- من برأيك يحمل هذه الصفات :
عضو حنون ..............
عضو عصبي ................
عضو أمه داعي عليه ههههه أكيد مش انا ..................
عضو عناوينه جذابة .....................
عضو متفاجئ فيه .......................
عضو له مكانة عندك ........................
عضو يلفت انتباهك .........................
عضو توجه له عتاب ..........................
عضو غثيث .............................
عضو مفعم بالطاقة والحيوية ........................
عضو انسان جريء بكل معنى الكلمة ..........................
واخيراً ما هو رأيك بالأخ بلال ؟
بس ما بدي تقل عليك أكثر من هيك
لي عودة إن شاء الله عزيزي

عدنا أخي
1-ما هو المكان الذي تلجأ إليه عندما تكون حزينا"؟
2-ما هي أكلتك المفضلة؟
3-هل جرحت أحدا" يوما" ما؟
4-ما هو الشيء الذي تخاف أن تفقده؟
5-ما هو المشهد الذي يحزنك كثيرا" ؟
6-ما هو لونك المفضل؟
7-شو أكبر غلطة غلطانة بحياتك؟
8-بأي موقف أحسست فيه بالضعف؟
9-هل المصائب تبعدك أم تقربك من الله؟
10-بتحب لبنان؟(حب صناعتو )
11-ما الذي يثير غضبك؟

فاصل ونواصل
مع أسئلة عاشقة علي مش حتقدر تغمض عنيك

سلام عليكم . . أولاً أشكر أخي حيدر على أسئلتو الحلوة و خصوصاً لمتعلّق فيّ

أخي هادي بعرفك صادق جداً و صريح صرلي زمان ما شايفك بتمنى ما تكون تغيّرت

هادي يا هادي

1_ اخبرني عن علاقتك العاطفية متى بدأت ، هل هي في منتهى الجدية !
2_ كم مرة حبيت بحياتك ؟
3_ ما رأيك بالصداقه بين الشب و الفتاة على قاعدة الاخوة؟
4_ما الرأي الديني من الموضوع؟؟
5_لمن قول :
سر و نحن من خلفك
انت الشمس و الهدى
كم انت غريب !
اقترب اكثر
شارك اكثر
لا تهرب
احبك
اكرهك

6_ جلس الكثير على كرسي الاعتراف ! من اكثر من استفزك لمتابعة اخباره ؟ من كان الاكثر صراحة ؟ من ترشح للمرة القادمة
7_ هل ترى من فائدة من الكرسي؟
8_ من له الاولوية الام ام الحبيب
الاب ام الام
الصديق ام الاخ
الصديق ام الحبيب
الشب ام الفتاة huh

سنعود
على فكرة ارجو من الجميع ترشيح للكرسي
و انا ارشح اختي شذى

سلام عليكم أخي وحبيبي هادي :

1 - هل تنسى أيامك الماضية وتفتح أمامك أيام جديدة ؟

2 - فيك تكتب بإختصار من هو هادي بالضيط ؟ كيف يفكر , أي نوع من العلاقات الإجتماعية يفضل , شو بضل شاغلك بالك . . يعني باختصار (شخصيتك)

3 - عددلي أهم 5 أشخاص بحياتك كلها باستثناء الوالدين والأخوة . . يعني من أقاربك وكل المجتمع الذي يحيط بك . بالتدريج ,يعني من أهم أوّل شخص إلى أهم خامس شخص ؟

4 - لمين بتقرا كتب شعر أكثر شي ؟ من تفضّل من بين قراء الأدعية , وقراء مجالس العزاء؟

5 - عطرك المفضل ؟

6 - أسوا خبر سمعته و أحلى خبر سمعتو (في الماضي) + الخبر الي بتخاف إنّك تسمعو والخبر لي بتحب تسمعو ؟

7 - صف شعورك حينما تكون في أوج حنينك ؟

8 - ماذا تفضّل الشروق أو الغروب ولماذا ؟

9 - في شي هواية بتحب تعملها بس بعيدة عنّك ؟

10 - مين بتفضّل من الأئمة (ع) , ولماذا ؟

11 - شو أكتر مصيبة بتأثر فيك في مجالس العزاء , طبعاً بعد مصيبة إستشهاد سيدي الإمام الحسين (ع) ؟

12 - بتعتبر حالك إنسان مخلص ووفي لأصدقاءك ؟ إذا إي شو بتقول بخصوص رفقاتك إلي صرلك أكثر من سنة ما شايفن علماً بأنو الكل لديه نفس الأمور التي تحصل معنا جميعاً (الدراسة والعمل) بس بعدن لهلأ عم بيشوفو بعض وعم يضهروا ؟

سامحني إذا في سؤال زعجك , سلام عليكم


---------------------------------------------------------------------
يــــــــ صاحب الزمان ـــــــــا أدركنا , عزيز عليّ أن أرى الخلق وأنت حبيبي لا تُرى

وعليكم السلام أخ حيدر و رحمة الله و بركاته
1- "تفضل بذكر بطاقتك الشخصية"
الاسم:هادي يعقوب
العمر:20
الحالة الاجتماعية:أعزب
السكن:حي الجامعة,ضاحية بيروت الجنوبية
مستواك الدراسي:سنة أولى هندسة
هواياتك:المطالعة,قراءة عزاء,كتابة الشعر,الرسم,كرة القدم,السباحة....
كل مايخص شخصيتك:لو بتحدد ممكن فيدك أكتر
2- شو نوع المحارم يلي بتمسح فيها دموعك... معقمة ولا لئ
بصراحة أنا ما بستعنل محارم لهيك شي,فأنا أعشق شعوري بدمعتي تنحت خدّي الأصفر,و أنتظرها لتستلقي على شفتيّ فأشعر بملوحتها فيعتدل بذلك عندي طعم الألم أو الحزن..
و إذا اضطررت كمّي جاهز
3- أهدافك ...
بصراحة سؤالك بهالطريقة و بهالبساطة صعب .. ما بعرف عن شو بدي احكيك,أنا بتمنّى منك و من باقي الإخوان تحديد الأسئلة أكثر للمساعدة..على كل حال ممكن أن أقول بأنّي أهدف إلى إنهاء دراستي بتفوّق..أكوّن عملي الخاص و أبني عائلتي الصغيرة..أسكن بعيدا عن الناس و أنواع البشر,أصل للنجوم,أبني مقصورتي الخاصة للكتابة,أنجز ديوانا كاملا ذو نسخة واحدة أهديه لشخص واحد قبل وفاتي.. و طبعا إذا ما دنا أجلي فإني لا أطمح أن أنهي حكايتي و يكون لها عنوانٌ غير "الشهادة"
4- اشخاص اثرو فيك ..
أنا سألت حيدر ورا الكواليس و قال إنو قصدوا عن أشخاص من المنتدى,يعني "أعضاء أثروا فيّ"
بصراحة أنا بتأثّر كتير بكل المواضيع اللي تحت عنوان القصص و الروايات لأنو دايما عم تكون مشاركات رائعة بدون استثناء,و تحت عنوان الشعر و الخواطر بهنّي خيّ علي اسد و أختي سارة منار و أخت سارة على إشراقاتهم و حروفهم المؤثّرة فعلا ..
5- مين الشخص يلي تعتبره مؤثر وأسباب تأثيره ...
أنا بصراحة بتأثر لتأثّر صاحب الموضوع,يعني إذا حدا كتب عن مشكلة عندو أو كتب قصيدة عن ما يعانيه فأنا ممكن إتأثّر لحزنه أو لشعوره.. و لكن إنو يأثّر فيّ شخصيا مش بهالسهولة طبعا.
6- شو معنى الصديق في بنظرك ...
الصديق زينة في الرخاء وعدَّة في البلاء
7- شو السبب يلي بيخليك تزعل منه ...
أنا بصراحة ما بزعل من صديقي المقرب,ممكن اتضايق شوي بس ما بزعل ز بضل طبيعي,ولكن كما قال أمير المؤمنين" إذا ظهر غدر الصديق سهُل هجره" فالغدر و الخيانة حدٌ فاصلٌ لا نقاش فيهما فبهذه الحالة أنسى أي معنى من معاني الأخوة التي جمعتنا
8- في فرق بين صديق المنتدى والصديق خارج المنتدى ...
طبعا,كلكم إخواني و أصدقائي و أحبابي والله,بس طبعا اللي بعرفهم برا المنتدى و صرلي زمان بعرفهم و منضهر سوى و منشوف بعض رح يكونو غير أصدقاء جمعني بهم منتدى و بعدني مش شايفهم وليس بيننا غير الحروف و الابتسامات..
9- ماذا اعطيتك الحياة وماذا اخذت منها ...
عطيتا كتيييييير ما ردّتلي شي منّن ..
هيدي من زمان .. بس أنا رجعت أخدت منها كتيير إشيا .. طبعن بعد ما تعادلنا بس الحمد لله أنا راضي عن ما أخذته لحد الآن ..
10- ماهو الحلم الذي حلمته وتمنيت ان يتحقق ..
11- اخر وردة فى الوجود لمين بتعطيها ...
لأمّي
12- ماهي الفرصة او اللحظة التي تجد بأنها لا تتعوض ابداً ..
ممم ممكن اللحظة الأخيرة ما قبل اتخاذ القرار ..
13- هل مررت بموقف ازعجك من احد الاعضاء ...
مم بصراحة إي بس الحمد لله رجعت انحلت و ما في داعي اذكرها بما إنو انحلّت
14- من برأيك يحمل هذه الصفات :
عضو حنون : مم ما بعرف
عضو عصبي :أنا و إنتَ
عضو أمه داعي عليه ههههه أكيد مش انا : اللي تحت باطو مسلّة ......
عضو عناوينه جذابة :علي أسد و سارة
عضو متفاجئ فيه : ما حدا
عضو له مكانة عندك : كلكم بقلبي و الله بس في إنت شوي زيادة لأنك ابن عمّي بس :P:P:P و علي أسد لأنو بيعجبني ملك الغابة,و عاشقة علي كرمال الإمام علي بس , و بلال .. ممم بعد ما إريت شو قايل عنّي ما بعرف إزا بحطّوا أو لأ :P:P
عضو يلفت انتباهك : سارة و شذى
عضو توجه له عتاب : حسين جابر لأنو هلّق ما عاد عندو حجّة بعتقد
عضو غثيث : بصراحة لحد هلّق ما في غثاثة بيني و بين حدا .. هلّق حيدر بحياااااات عرضك منيين جايبلي هالكلمة ؟؟؟ هلّق مبيني مسبّة بس ع كل حال الله يسامحك و ما في حدا غثيث هون :Q
عضو مفعم بالطاقة والحيوية : للأسف إنت :P
عضو انسان جريء بكل معنى الكلمة : هلق بدك عضو ولّا انسان حيّرتني .. و لّا ممكن في عنّا عضو جنّي مثلا ؟؟
ما حدا فينا حيحكي كلللللل شي ما بدنا نضحك ع بعض , بس كل اللي كانوا قبلي عالكرسي فيهم من الجرأة ما يكفي للجلوس على كرسي الإعتراف
واخيراً ما هو رأيك بالأخ بلال ؟
ميين بلال ؟؟ الحبشي ؟؟
عراسي الأخ بلال .. هو متل خيّي و أعز ز هوّ بيعرف معزتو عندي بس الظروف في الفترة الأخيرة ربما حكمت علينا بالابتعاد قليلا و الموقف صعب والله و أنا بعتذر كتيييير منّو ...
ملاحظة:أنا بعتذر يمكن اتأخّرت لردّ على الأسئلة بس بصراحة مبارح قعدت ساعة أكتب ردّ لأسئلة خادم علي و أنا و بآخر سؤال ... احزروا شو صار !!!!!!
حزرتو ؟؟
وتّرتكم إي ؟؟؟
ههههههه بصراحة أنا ما بعرف شو صار سكّر البراوزر لحالو و راااح كللل شي
ف لليوم لفقت من الصدمة
سامحونا
و السلام عليكم و رحمة الله و بركاته
والحمد لله رب العالمين

بسم الله الرحمن الرحيم

الله معك يا خيي هادي
بعتذر من الكل لأن ما أدرت إفتح إنترنت طول الجمعة الي مرئت بالأخص من الأخت سارةمنار لأن ما لحئت إسألها أي سؤال .

أول شي كيفك إنت و محل التلفونات
2- شو بتأول لأحمد (خادم الآل)
3- شو بيعنيلك حيدر (خادم علي) غير إنو إبن عمك
4- ما أهم مصدر للثقافة الأسلامية
5- ما هي مصادر الثقافة الإسلامية
6-أفضل موضوع ديني بتحب تكتب عنو
7- 4 كتب أثروا فيك
8- أفضل 4 كتب قرأتها
9- أكثر معصوم تتأئر به
10- أكثر إمام تعجبك سيرته و لم
11- ما هو كم المعلومات الموجود لديك حول الإمام المهدي (عج)
12- ما هو كم المعلومات الموجود لديك حول الغيبة (للإمام)
13- ماذا تعرف عن الشعار (أمن المتوكلون)

و إذا بتأدر الأخت سارة منار تجاوب على الأسئلة من السؤال رقم 4 للأخير هيك ما بكون ظلمتا.

و السلام عليكم

أهلا بعودتكم
1-ما هو المكان الذي تلجأ إليه عندما تكون حزينا"؟
بضل مطرح ما أنا
2-ما هي أكلتك المفضلة؟
ملوخية,همبرعر.بيتزا
3-هل جرحت أحدا" يوما" ما؟
مممم يعني إلا ما كون صامتلي شي حدا سكينة مم أعتقد إنو إي مش ممكن إنو ما كون آذي حدا و بتمنى من أي حدا أذيتو إنو يسامحني ..
4-ما هو الشيء الذي تخاف أن تفقده؟
قلمي
5-ما هو المشهد الذي يحزنك كثيرا" ؟
بصراحة لا تحصى , ما بعرف شو جاوبك ّ!!
6-ما هو لونك المفضل؟
الأسود و الاحمر الغامق
7-شو أكبر غلطة غلطانة بحياتك؟
مممم
8-بأي موقف أحسست فيه بالضعف؟
ممم بحياتي ما تملّكني ضعف أو خوف بس بذكر لحظة نظرت حولي في موقف الباصات التابع لمسجد الشجرة في المدينة المنورة. مساحته 10 كلم2 و لم أرى شيئا !! لا أناس,لا بشر,حتّى الباصات انسحبت و انتلقت إلى مكة لتأدية العمرة,بقيت حتّى ال 3 فجرا لوحدي أمشي و أسأل هذا و ذاك..أهلي نسيوني و وصلوا مكّة , ما حدا فادني بشي .. كل اللي قدرت أعرفو إنو في بيني و بينن أكثر من 500 كلم و مع كل ذلك و بالرغم من صغر سنّي في ذلك الوقت إلا أن الخوف لم يتمكن منّي و لكنّي ضعفت قليلا .. كانت صعبة عنجد ..
9-هل المصائب تبعدك أم تقربك من الله؟
إذا أحب الله عبدا إبتلاه .. فيا ليت تغمرني البلايا
فأفرغ من فؤادي قواه .. و أعنّي فيما اقترفته يدايَ
فقلبي ليس يبدل من هواه .. و ليس في قلبي غيرك مولايَ
أبكي قلبي و أشعل فيّ من بكاه .. و أذب هوى قلبي في هوايَ
أحبّك,فأحببني,هاك نبضي فمن شذاه .. يا ليت تغمرني البلايا ...
10-بتحب لبنان؟(حب صناعتو )
إي
11-ما الذي يثير غضبك؟
كل شواذ .

نعم يا نعم
1_ اخبرني عن علاقتك العاطفية متى بدأت ، هل هي في منتهى الجدية !
طبعا هي كذلك,و صرلا زمان
2_ كم مرة حبيت بحياتك ؟
مرّة و مرّة .
3_ ما رأيك بالصداقه بين الشب و الفتاة على قاعدة الاخوة؟
ههههه توقّعتا منّك :p مممم أنا برأيي ما في مشكلة تحت ضوابت
4_ما الرأي الديني من الموضوع؟؟
طبعا الرأي الديني لا يؤيد رأيي و لكن في زمننا هذا بات من الصعب المحافظة على القوانين و الضوابط التي وضعها الإسلام في هذا االمجال,طبعا أنا لا أبرر ولكن ..
5_لمن قول :
سر و نحن من خلفك:للإمام القائد و سماحة السيد (حفظهما الله)
انت الشمس و الهدى:لسماحة السيد
كم انت غريب ! لقلبي
اقترب اكثر : لنفسي
شارك اكثر : إذا قصدك في المنتدى,أبدأ بدعوة نفسي و كل من قلّت مشاركاته دون عذر
لا تهرب : لحلمي
احبك : لكل من أحبّه D×
اكرهك : لكل ظالم

6_ جلس الكثير على كرسي الاعتراف ! من اكثر من استفزك لمتابعة اخباره ؟
مم بصراحة كنت أتوق في كل يوم لمراجعة كل جديد على كرسي الاعتراف,وانبسطت بالكل والله بس أكتر حدا ممكن حبيت أعرف عنّو أكتر,طبعا مش ابن عمّي , إنتَ شوي , عبر كم سؤال يعني ما كنت أعرف أجوبتهم , و الأخت سارة مناركنت حابب كتير اتعرف على جديدها
من كان الاكثر صراحة ؟
جاوبت عن هالسؤال ب أسئلة خادم علي
من ترشح للمرة القادمة :أرشّح الأخت شذى
7_ هل ترى من فائدة من الكرسي؟ممم أكيد إلو فايدة, و أهمها التعارف و التقارب أكثر فيما بيننا و إزالة الحواجز و الإستماع لأقلام بعضنا البعض فهي في هذا الكرسي تكتب دون قيد
8_ من له الاولوية الام ام الحبيب : بصراحة هالمقارنات كلّا ما بهتم فيها ولا بآمن فيها,عنجد سامحني بس ما عندي أدنى فكرة عن كيف ممكن اختار بمواقف معينة..
السلام عليكم
و الحمد لله رب العالمين

و عليكم السلام و رحمة الله و بركاته ...
1 - هل تنسى أيامك الماضية وتفتح أمامك أيام جديدة ؟
مم أنا من النوع لبتذكر منيح و بحب عبّي صندوق ذكرياتي .. لحتّى ضل إرجعلو بين الحين و الآخر .. ما بعتقد إنو بقدر إنسى أصلا حتّى لو كان أنا بدّي .. و بالنسبة للأيام الجديدة طبعا بحب غيّر بس مش بأصدقائي و ب مبادئي , و إذا بدّي بلّش إيام جديدة مش معناه إنو إنسى سالف أيامي .. مش موضوع بديل , هي إضافة ..
2 - فيك تكتب بإختصار من هو هادي بالضيط ؟ كيف يفكر , أي نوع من العلاقات الإجتماعية يفضل , شو بضل شاغلك بالك . . يعني باختصار (شخصيتك)
لا والله ما فيّ,بصراحة أنا ضد طرح هالسؤال,نْسَأَل كتيير هالسؤال قبل بس أنا ما بأيّد طرحو,قد ما حاول كون موضوعي و صريح ما رح جاوب المطلوب,مش ضروري كون ملاحظ كل نقاطي السلبية أو صفاتي الإيجابية, و مش موضوع تواضع إذا الواحد خبر عن الإشيا السلبية, و حيطلع مغرور و شايف حالو إذا بيذكر نقاط إيجابية أو صفات حميدة عندو .. إذا فعلا الهدف من هالسؤال إنو تعرفو عن الشخص المفروض ينسأل لأقرب الناس إلو اللي ممكن يكون ملاحظ كل شي تقريبا ..
كيف يعني نوع علاقات ؟؟؟
أنا بضل بالي مشغول و إذا ما كان في شي أنا بدور ع شي إشغل بالي في لإنّي مش معوّد كون مرتاح ..

3 - عددلي أهم 5 أشخاص بحياتك كلها باستثناء الوالدين والأخوة . . يعني من أقاربك وكل المجتمع الذي يحيط بك . بالتدريج ,يعني من أهم أوّل شخص إلى أهم خامس شخص ؟
ما رح أقدر .. والله صرلي شي نص ساعة بكتب و بمحّي , هي مش عالمسطرة ل شوف مين قبل ميين .. أنا عندي ولاد عمّي بالدني و ابن عمتي و رفاقي و زملا الدراسة,و زملا العمل .. عندي كتير ناس حبّن و إهتمّ لأمرن ... ما بدّي زعّل حدا منّي و ما بدّي حس بعدين إني نسيت حدا و قصّرت بحقّو ..
4 - لمين بتقرا كتب شعر أكثر شي ؟ من تفضّل من بين قراء الأدعية , وقراء مجالس العزاء؟
مش مهم المهم يكون شعر , أفضل حسين غريب في الأدعية و الشيخ علي سليم و السيد جعفر الموسوي و الشيخ علي نور الدين في المجالس ..
5 - عطرك المفضل ؟
Azaro chrome
6 - أسوا خبر سمعته و أحلى خبر سمعتو (في الماضي) + الخبر الي بتخاف إنّك تسمعو والخبر لي بتحب تسمعو ؟
أسوأ خبر سمعتو في الماضي لما رسبت في النتائج النهائية لدورة الأمن العام.. و أحلى خبر كان نجاحي بالباكالوريا,ما بخاف اسمع شي , معوّد عكل شي الحمد لله , ممم بحب اسمع خبر وفاتي
7 - صف شعورك حينما تكون في أوج حنينك ؟
مممم خلص جوابي ع سؤالك حإكتبوا قصيدة .. بس امهلني وقت

8 - ماذا تفضّل الشروق أو الغروب ولماذا ؟
الغروب ك منظر , بحسّو أقرب لي .. بس أفضّل الشروق لما فيه من إحساس بأمل جديد,بأننا سنبدأ بيومٍ غير أمسنا ..
9 - في شي هواية بتحب تعملها بس بعيدة عنّك ؟
ركوب الخيل,و الاحتراف

10 - مين بتفضّل من الأئمة (ع) , ولماذا ؟
ما عندي فرق بين حدا ... بس عندي السيدة الزهراء حالة خاصة .. لماذا ما فيّ قلّك
11 - شو أكتر مصيبة بتأثر فيك في مجالس العزاء , طبعاً بعد مصيبة إستشهاد سيدي الإمام الحسين (ع) ؟

12 - بتعتبر حالك إنسان مخلص ووفي لأصدقاءك ؟ إذا إي شو بتقول بخصوص رفقاتك إلي صرلك أكثر من سنة ما شايفن علماً بأنو الكل لديه نفس الأمور التي تحصل معنا جميعاً (الدراسة والعمل) بس بعدن لهلأ عم بيشوفو بعض وعم يضهروا ؟
أولا مين قلّك إنو أنا اللي شاغلني هن نفس الأمور اللي شاغليتك أو شاغلي الشباب؟؟ ثانيا,أنا مخلص نعم,بس طبعا إذا كان معيار الإخلاص و الوفى عند البعض هو الشوفة و الضهرة,فأنا بعتذر و حكون أكبر خاين خي بلال لما بدو يكون في عندي صديق و خي وفي إلي و بيوثق فيّ و بوثق في , ما حكون مضطر بكل مرّة ما أقدر شوفو فيها إنو إجي برّرلو و إشرحلو و أنطر منّو ليعذرني .. أنا عم وجّه حكيي ل كتير من الشباب و بعتقد إنت عارف عن مين عم بحكي عكل حال أنا ما بدي طوّل كتير ب هالمجال .. أنا انشالله وفي و مخلص .. بس مش بالضهرات و بالقعدات .

السلام عليكم
و الحمد لله رب العالمين ..

سلام عليكم أخي العزيز " دموع "
1- كيف تجد اعضاء المنتدى...
2- افضل يوم بالأسبوع بالنسبة إلك...
3- ذكرى جميلة لن تنساها أبداً...
4- ماذا تعني لك لحياة...
5- ماهو اكتر شيئ بيشعرك بالعجز...
6- ماهي الاغنية يلي بتحب دائماً تدندنها مع نفسك وقت تكون رايق....
7- أحلى هدية إجتك ومن مين....
8- شخص تتمنى الإنتقام منه...طبعاً غيري
9- من العضو يلي تحب يضيفك لقائمة الأصدقاء....
10- عضو عاجبتك صورته الشخصية وتوقيعه...
وأخيراً
دمـعـــة انـذرفــــت رغـمــاً عنـــك...
وأتمنى لك التوفيق تؤبرني
سلام